Su fioi ,… svelti,… presto!
Parecieve veloci;
e ti mama,…xe pronto al saco?
In bici ‘ndar,
a farse el toc
sui scoi al bivio;
e pedalar,
con moglie e fioi
per la costiera;
contenti arivar,
a Miramar, co cambia el tempo;
se ‘l neverin ,riva de l’Istria improviso;
s’ ingrosa el mar,
s’ oscura el ziel e sbufa el vento,
e taca a piover,tra lampi e toni, de far paura
Ma sto trambusto dura poco se sà,
che da ponente
el ziel se sciarisi za!
Tornemo pedalando in zità,
contenti , alegri,
de stà giornata tuta triestina!
Brevi sti giorni felici,
sogni de gioventù;
moglie,fioi e famiglia,
gioie che non se scorda più!
Va,vola mia bici;
gira presto le rode
de la gioia e de la vita:
acompagna d’amor la via,
de stà zità;
Trieste,anima mia.
In bici ‘ndar,
per l’ameno vial
del “Boscheto”;
in Carso arivar,
pel rebechin in tratoria;
coi fioi a bala zogar,
sul verde prà,
cinto de somaco : sentirse
felici,campioni,amai e innamorai!
El bel dura poco se sà:
s’insera presto,
e dovemo ritornar.
tornemo pedalando in zità
ma contenti ,alegri,
de sta giornada tuta triestina!
Bei,brevi giorni felici,
sogni de gioventù ; ma con
moglie, fioi e famiglia,
gioie che non se scorderà più!
Mai più,mai più,mai piu!
in ziel,la su!